Tradisjonar er viktig i jula, og volleyballfinalane nest siste skuledagen er eit fast høgdepunkt i førjulstida.
Som vanleg har vi hatt volleyballcup på skulen i haust, og i går var det tid for finalekampar. Først mellom dei beste klasselaga og deretter mellom elevlag og lærarlag.
Finalane
Dei to finalane mellom elevlag gjekk samtidig. Jentefinalen mellom 1HSc og 2BUAa enda med siger (2-0 i sett) til 2BUAa, mens gutane i 2KJTa til slutt vann 2-1 over laget frå 2AUTa.
Heiagjeng
Eit entusiastisk publikum kan vere avgjerande.
Kommentatorar må vi også ha
Henrik, Mathias og Didrik frå Vg1 EL og TIF blei fort varme i trøya og gjorde mange treffsikre observasjonar.
Premieutdeling
Det blei premier til...
... vinnarlaga
... og til dei andre finalistane
... til banens beste spelarar
... og den beste heiagjengen.
Elevane mot lærarane
Men - vinnarane slapp ikkje så billig unna. Dei måtte også stille opp mot lærarlaga. Det blei jevne og gode kampar, både på kvinne- og mannssida, begge måtte ha tre sett før vi fekk eit resultat. Og akkurat her braut vi faktisk med tradisjonen. Mot normalt vann dei mannlege lærarane over elevlaget, mens kvinnene måtte gi tapt for 2BUAa.
God jul!
Heilt til slutt fekk assisterande rektor Stig ordet. Han brukte sjansen til gi ei kort oppsummering av hausten på Slåtthaug vgs., før han avslutta med å ønske alle ei riktig god jul!
