Julaftan i juni!

Stor stemning då Kverneland Bil overrekte ein splitter ny Ford Explorer til skulen på fredag.

Kverneland stilte med to heilelektriske Ford Explorer SUVar, og vi får behalde den eine!
Vi er svært glade (og takknemlege) for å ha så gode partnarar i bransjen - det er ikkje tvil om at bilen blir eit viktig tilskot til undervisninga på vg2 køyretøy.

Ein av bilane (den blå) frå Kverneland BIl på plassen utanfor verkstadhallen. I bakgrunnen, inne i verkstadhallen, skimtar vi vår nye bil (den grå). Begge bilane blir studerte av elevar og vaksne.

Ei gruppe elevar samla utanfor porten til bilverkstaden på skulen. Dei lyttar til ein representant frå Kverneland Bil som står rett innanfor porten, ved sida av den nye bilen. — Nyebilen på plass i verkstadhallen.

Ein mann tar ein selfie saman med ei klynge elevar og den blå Forden på plassen utanfor skulen.

Den andre bilen fekk også mykje merksemd, han blei studert frå alle vinklar.

Elevar studerer den blå Forden, både på innsida og utsida.

Ei utfordring til skulen: kor mange elevar kunne vi få inn i bilen på ein gong? Rekorden var visst 15!
Våre folk var ikkje vanskelege å be - dei endte opp med å klare å presse inn 18 stykke! Det høyrest heilt spinnvilt ut, men på Instagram finst bilde.

To frå Kverneland Bil, ein lærar, assisterande rektor og ein teiknspråktolk på parkeringsplassen utanfor bilverkstadhallen. — Assisterande rektor kjem med nokre velvalde ord på vegner av skulen.

(Alle foto: Terje K. Rasmussen)

Julaftan i juni?